Конституция – мемлекеттің негізгі заңы"

Конституция – елдің саяси, құқықтық және экономикалық жүйесінің негіздерін бекітетін мемлекеттің негізгі заңы. Ол ең жоғарғы заңдық күшке ие және тәуелсіз Қазақстанды құрудың тірегі болып табылады.
Қазақстан Республикасы Конституциясы күні қарсаңында мектеп кітапханасында «Конституция – мемлекеттің негізгі заңы» атты кітап көрмесі ұйымдастырылды. Көрмеде Конституцияның қалыптасу кезеңдері туралы материалдар, елдің конституциялық дамуының тарихын көрсететін анықтамалықтар мен басылымдар қойылды.
Тәуелсіз Қазақстанның алғашқы Конституциясы 1993 жылдың 28 қаңтарында қабылданды, ал қолданыстағы редакциясы 1995 жылдың 30 тамызында бүкілхалықтық референдумда қабылданды. Бүгінде бұл күн – еліміздің басты мемлекеттік мерекелерінің бірі ретінде атап өтіледі.
Конституция – халық бірлігінің символы, әрбір азаматтың құқықтары мен бостандықтарының көрінісі, сондай-ақ заңды сақтау жөніндегі әркімнің жауапкершілігінің белгісі.
Суфтина Т.А.