Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
"Химия және биология апталығының...
Текст
«Ақмола облысы білім басқармасының Атбасар ауданы бойынша білім бөлімі Атбасар қаласының №5 жалпы орта білім беретін мектебі» КММ
КГУ «Общеобразовательная школа №5 города Атбасар отдела образования по Атбасарскому району управления образования Акмолинской области»
"Мұғалімнің рефлексиясы оқытуда жақсы нәтижелерге қол жеткізуге көмектеседі"
06.12.2021
Мұғалімнің жұмысы – әлемдегі ең күрделі жұмыстардың бірі, оның қызмет сапасына қойылатын талаптар әрқашан жоғары. Бүгінгі таңда, COVID-19 пандемиясы 190-нан астам елде және барлық континенттерде 1,6 миллиардқа жуық оқушыға әсер еткен білім беру жүйесінің жұмыс істеуіне бүкіл тарихта үлкен ауытқулар әкелген кезде, мұғалімнің жұмысына қойылатын талаптар бірнеше есе өсті. Табысты оқыту үшін олардың алдында күн сайын дербес қызметінің барлық аспектілерін: оқыту, тәрбиелеу, өз іс-әрекеттері туралы сыни түрғыдан ойлануды өзара үйлесімді етіп біріктіру міндеті тұр.
«Тиімді кәсіби даму» зерттеуінде Ричардсон және Диас Мажоли (2018) тиімді үздіксіз кәсіби дамуға қажетті жеті негізгі қағидалардың жиынтығын анықтайды.
Олардың бірі - рефлексиялық тәжірибемен айналысу.
Тиімді мұғалімдер үнемі ойланып, тәжірибені жақсартады. Әр сабақтан кейін, әр жұмыс күні аяқталғаннан кейін мұғалім өзіне сұрақтар қоюы керек:
сабақтың мақсаттары мен күтілетін нәтижелеріне қол жеткізілді ме? мен оқушыларым туралы не білдім, оқушыларды қолдау үшін осы жаңа ақпаратты қалай қолданамын? мен өз оқытуым туралы не білдім? мен нені өзгертуім керек және ол үшін маған не қажет?Осы кеңестерді қолдана отырып, мұғалім өзінің ойлауының қалай өзгеретінін көреді. Ол өзіне қиын сұрақтар қойып, шынайы жауаптар іздей бастайды.
Тек шынайы жауаптар сіздің тәжірибеңізді дамытуға ықпал жасайды.Рефлексия педагогикалық іс-әрекеттің табиғи процесі болуы маңызды. Оқытудың заманауи әдістері мен бағалау құралдарын игеру және қолдану сапалы білім алу үшін жеткілікті деп ойлау қате пікір. Biggs (2003) «оқытудың жаңа әдістерін үйрену бүгінгі күнде тамақ беретін балыққа ұқсас; рефлексиялық тәжірибе — бұл өмір бойы тамақпен қамтамасыз ететін желі», - деп айрықша көрсетеді. Рефлексия жүргізу арқылы мұғалім өзі үшін де, оқушылар үшін де кез келген форматта және оқу жағдайында оқудың ең жақсы нәтижелеріне қалай қол жеткізуге болатындығын анықтай алады.
Идрисов К.К.
Просмотров: 294